juan tamad

Ang Kagilagilalas na Pakikipagsapalaran ni Juan Tamad

Isang bukangliwayway,
puno ng katamarang sumakay sa bus
si Juan Tamad
Antok na antok
kahit buong araw siyang na tulog
MAGSUMIKAP KA
Sabi ng ina
At minura si Juan Tamad

Pagod na pagod
kahit wala namang ginawa
Nagpahinga si Juan Tamad
buong maghapon sa Avenida
BAWAL MANGLIMOS
Sabi ng kalsada
DON’T BLOCK THE DRIVE WAY
Sabi ng gate
Kaya tumabi at nakatulog
si Juan Tamad

Nang abutan ng gutom
si Juan Tamad
tumungo sa manggahan.
Namili’ ng mga bunga
tumapat sa nagustuhan
Nagdaan ang maghapon
hinihintay pa rin ang bunga
NO TRESPASSING
Sabi ng guwadya
At hinabol ng aso
si Juan Tamad

Pusturang pustura
kahit walang laman ang bulsa
Naglibot sa lungsod
si Juan Tamad
WANTED WAITER
Sabi ng board
Lumabas ang manager na mukang leon
Masarap sanang mag-apply pero
WE NEED ATLEAST HIGHSCHOOL GRADUATE
Sabi ng form

Nagbalik sa probinsya
si Juan Tamad
At medyo kinkabahan,
pumasok ng tahanan
YOU ARE OUR HOPE
Sabi ng magulang
WE NEED YOUR SUPPORT

Nang wala nanag maasahan
si Juan Tamad,
Dala dala’y gulok
Gulagulanit na ang damit
Wala pa ring Makita kasipagan
Kumapit sa patalim
ang namayat na
si Juan Tamad
WANTED DEAD OR ALIVE
Sabi ng pulis
At sinisi ang walang hiyang sarili
kung bakit di nagsikap
ang isang mamamayang umaasa lang sa pamahalan
na tulad ni Juan Tamad